اے صبا! تو شہرِ طیبہ میں مسلسل رقص کر- اکائی (2018)

اے صبا!
تو شہرِ طیبہ میں مسلسل رقص کر
اے صبا!
سرکار ﷺ کی گلیوں میں جا نعتیں سنا
اے صبا!
حرفِ ادب جتنے بھی ہیں اُن کو سمیٹ
اے صبا!
رکھ آ مری آنکھیں کسی دیوار میں
اے صبا!
اشکِ رواں کی داستاں کہنا ضرور
اے صبا!
میرے لیے بھی مانگ لینا روشنی
اے صبا!
تُو لے کے جانا التجاؤں کے ہجوم
اے صبا!
کرنا مدینے کی ہواؤں کو سلام
اے صبا!
ہر زائرِ طیبہ سے کرنا گفتگو
اے صبا!
جانا لپٹ سرکار ﷺ کی دہلیز سے
اے صبا!
تُو امتِ عاصی کا کہنا حالِ زار
اے صبا!
آدابِ شہرِ مصطفی لانا بجا
اے صبا!
کرنا درودوں کے نئے گجرے نثار
اے صبا!
دستِ کرم پہ تُو بھی رکھ دینا گلاب