یکتا و تنہا- زر معتبر (1995)

زنجیر پا ہیں فکر و نظر بھی پسِ غبار
خنجر بکف ہیں قصرِ جہالت کے لشکری
اے شہرِ علم، حکمت و دانش کے آفتاب
اے نورِ اجتہاد، بصیرت کی روشنی
اے رحمتِ دوام، اخوّت کی سلسبیل،
اے رُوحِ انقلابِ تمدن مرا سلام

چاروں طرف کھُلے ہیں مِرے خون کے علم
پُرسہ بھی اب حسینؓ کا دیتی نہیں ہوا
اب قتل گہ کی آخری دیوار بھی گرے
دامانِ آرزُو میں کِھلیں جستجو کے پھول
مَرہم بنی ہے تیرؐے تصور کی چاندنی
تیراؐ خیال سطوتِ بابِ زرِ شعور،
اقلیمِ دل میں تیرےؐ سوا اور کون ہے

خالق بھی جَب کمالِ نبوت کہے تجھے
بالشت بھر کی ساری خدائی لگے مجھے