التجائے اُمت- خلد سخن (2009)

یا نبیؐ، یا نبیؐ، یا نبیؐ، یا نبیؐ
یا نبیؐ، یا نبیؐ، یا نبیؐ، یا نبیؐ

حرفِ حق کے سفر کی قیادت ملے
عظمت و تمکنت کی ضمانت ملے
دائمی امنِ عہدِ رسالت ملے
دیں کی تہذیب، دیں کی ثقافت ملے
علم و فن کی ملے ہر طرف دلکشی

یا نبیؐ، یا نبیؐ، یا نبیؐ، یا نبیؐ
یا نبیؐ، یا نبیؐ، یا نبیؐ، یا نبیؐ

ناتوانوں کو پھر عزم و ہمت ملے
بے سہاروں کو دامانِ رحمت ملے
ظلمتِ شب میں نورِ شریعت ملے
ہم غریبوں کو ایماں کی دولت ملے
ظلمتِ شب کی حائل ہے دیوار سی

یا نبیؐ، یا نبیؐ، یا نبیؐ، یا نبیؐ
یا نبیؐ، یا نبیؐ، یا نبیؐ، یا نبیؐ

عہدِ رفتہ کی پھر ہم کو عظمت ملے
قرنِ اولیٰ کی وہ شان و شوکت ملے
علم و فن کے صحیفوں کی سنگت ملے
گلشنِ علم و دانش کی نکہت ملے
یا خدا روشنی، یا نبیؐ روشنی

یا نبیؐ، یا نبیؐ، یا نبیؐ، یا نبیؐ
یا نبیؐ، یا نبیؐ، یا نبیؐ، یا نبیؐ

بحرِ عشق و وفا کی روانی ملے
اپنے اسلاف کی پھر جوانی ملے
ہر قدم پر ہمیں کامرانی ملے
پھر ہدایت ہمیں آسمانی ملے
عظمتِ عہدِ رفتہ کی دیں چاندنی

یا نبیؐ، یا نبیؐ، یا نبیؐ، یا نبیؐ
یا نبیؐ، یا نبیؐ، یا نبیؐ، یا نبیؐ