خوف- روشنی یا نبی ﷺ (2018)

غبارِ خوفِ اجل
آئنوں میں رقصاں ہے
عذاب،
جاں پہ مسلط ہے
گھپ اندھیروں کا
حدیثِ شہرِ مدینہ رقم ہے آنکھوں میں
(سحر کے سارے اجالے ہیں ہمسفر میرے)
حروفِ نعت کتابِ دل و نظر میں ہیں
ثنائے احمدِ مرسل ﷺ :
جمالِ روحِ ازل
حریمِ شامِ سخن
ضمیرِ حرفِ دعا
مرے لہو کی ہر اک بوند میں منوّر ہے
درود: سانس کی ڈوری
کبھی نہیں ٹوٹی
کبھی نہ ٹوٹے گی
غبارِ خوفِ اجل
لاکھ رقص میں آئے
مجھے یہ خوف ہے
میرا قلم نہ چھن جائے
حروفِ عرضِ تمنا کہیں نہ کھو جائیں