گدازِ نعت- ریاض حمد و نعت

آقاؐ!
نصیب پھر ہو حضوری کا رتجگا
آقاؐ!
ورق ورق پہ چراغاں کرے قلم
آقاؐ!
مجھے بھی پَرنا غلامی کا ہو عطا
آقاؐ!
فضائے نعت کا ہر سانس کو گداز
آقاؐ!
رہیں درود کی ٹھنڈک میں میرے لب
آقاؐ!
ملیں مواجہہِ اقدس کی ساعتیں
آقاؐ!
قدومِ پاک کی خیرات آج بھی
آقاؐ!
مجھے خیال کی پاکیزگی ملے
آقاؐ!
مرے وطن کی ہواؤں کی خیر ہو
آقاؐ!
حروفِ نو میں ہو موسم بہار کا
آقاؐ!
حصارِ شر سے رہائی نصیب ہو
آقاؐ!
مرے سب اشکِ ندامت قبول ہوں
آقاؐ!
مجھے بھی شہرِ تصوّف کی روشنی
آقاؐ!
ہوں عافیت کے چمن زار ہر طرف